ཁྲི་ལྡེ་གཙུག་བརྟན།
༡༥༽ རོང་འབྲོག་གི་དཔལ་འབྱོར་གནས་སྟངས་ཡར་རྒྱས་གཏོང་སླད། ཐོན་རྫས་བརྗེ་རེས་ཀྱི་བརྒྱུད་ལམ་ཡངས་པར་ཕྱེ་སྟེ། འབྲོག་ཁུལ་གྱི་ཤ་མར་ཕྱུར་སོགས་དང་རོང་ཁུལ་གྱི་གྲོ་ནས་སྲན་གསུམ་སོགས་ཚོང་འབྲེལ་གྱི་ལས་ཤུགས་ཆེ་རུ་བཏང་བ་མ་ཟད།
༡༦༽ རྒྱ་ནག་ནས་དར་གོས་དང༌། ཇ་དང་དཀར་ཡོལ་སོགས་དང་ཉེར་མཁོའི་ཡོ་ཆས་ཀྱི་ཚོང་འབྲེལ་དང༌། དེ་བཞིན་བལ་པོ་དང༌། སྟག་གཟིག རྒྱ་གར་བཅས་ལའང་ཚོང་འབྲེལ་དང་འགྲོ་འོང་གི་ལམ་སྲོལ་ཡངས་པར་བཏོད་དེ་བོད་འབངས་ཀྱི་འཚོ་བར་འགྱུར་ལྡོག་ཆེན་པོ་བྱུང༌།
༡༧༽ ལི་ཡུལ་དང༌། འ་ཞ། གྲུ་གུ་སོགས་མཐའ་བཞིའི་རྒྱལ་ཕྲན་ཁག་ལའང་ཚོང་འབྲེལ་དང༌། མངའ་འོག་རྒྱལ་ཕྲན་འདབས་ཁྲལ་བསྡུ་འདྲེན་གྱིས་བོད་རྒྱལ་ཁབ་ཀྱི་དཔལ་འབྱོར་གྱི་སྟོབས་ཤུགས་ཡར་ངོའི་ཟླ་ལྟར་གྱུར།
༡༨༽ ས་ལུག་(ཕྱི་ལོ་༦༥༩)ཙམ་ཞིག་ནས་བོད་ཀྱི་རྒྱལ་ཕྲན་འ་ཞའི་ཐོག་རྒྱ་ནག་ཐང་རྒྱལ་པོས་དཔུང་འཇུག་གིས་བཙན་འཛུལ་བྱེད་འགོ་ཚུགས། དེ་རྗེས་རྒྱ་དམག་བརྒྱད་ཁྲི་ལྷག་འ་ཞར་དྲངས་ཏེ། འ་ཞ་ཡོངས་རྫོགས་རྒྱའི་དབང་ཤུགས་འོག་ཚུད་པར་བྱས།
༡༩༽ དེར་བློན་ཆེན་མགར་གྱིས། བོད་ཀྱི་རྒྱལ་ཕྲན་ལ་བཙན་འཛུལ་བྱུང་བ་དེ་ནི་རྒྱ་ནག་གིས་བོད་ལ་ཚུར་རྒོལ་ཡོང་བའི་ཕུགས་ཇུས་སུ་རྟོགས་ཏེ། དེའི་གདོང་ལེན་དུ་རྟ་དམག་ཧྲག་བསྡུས་ཆིག་སྟོང་ལྷག་ཁྲིད་དེ་ཤར་ཕྱོགས་འ་ཞའི་ཡུལ་དུ་བསྐྱོད།
For the audio files